Zinea duzu bertako jarduera nagusia. Zine-Klub elkarteak kudeatzen ditu zine emanaldiak urritik apirilera bitarte, ostiraletan gauetan zine-klub saioekin eta igandeetan haurrentzako saioak 17:00etan eta gazte eta helduentzako saioak 19:30ean.

Horrez gain, antzerki, kantaldi, kontzertu, jaialdi, e.a.ekin gozatu ahal izango duzu bertan, kultura sailak edo udaleko beste sailen batek antolatuak.

Azpimarratzekoak Legazpi Musika Bandaren emanaldiak, Ikastetxeetako ikasleen jaialdiak, Musika Eskolako ikasleen kontzertu eta jaialdiak,…Bilera eta aurkezpen jendetsuetarako ere aproposa da.