• Facebook
  • Twitter

"Eukalyptus"

Eduki hau partekatu
  • "Eukalyptus"
  • "Eukalyptus"

Hau ez da baso bat.
Hamen lurra karratua da.
Hamen ilarakosatzen doguz.
Hamen gatxa da gauzak sustratitik moztea.
Hamen, eta hor, eta han.
Hau monolaborantza da. gure bizi-eredua, paisaian islatua.
Euskalytus esatea etekin esatea da.
Euskalyptus esatea errekin esatea da.
Euskalyptus esatea berrekin esatea da.
euskalyptus esatea gutaz aritzea da.
Eroan nazazu basora, eta esango deutsut norena dan, eta zer haziko dan gu falta garenean.
Eta zu, zerk sutzen zaitu?

Eukalyptus proiektuari esker, Jon Ander Urresti bermeotar sortzaileak 2022ko Durangoko Azokaren Sormen Beka irabazi zuen. Matxalen de Pedrok eta Jon Ander Urrestik zuzendu dute lana, beraiek, Nerea Ibarzabal bertsolari eta idazleak eta Beñat Urrutiak zortzi eskutara idatzitako testu batean oinarrituta, eta Urresti eta Urrutia bera arduratzen dira testuok agertoki gainean mamitzeaz, gorpuzteaz. 

Fitxa

  • Testuak: Nerea Ibarzabal, Jon Ander Urresti, Matxalen de Pedro eta Beñat Urrutia
  • Zuzendaritza eta dramaturgia: Matxalen de Pedro eta Jon Ander Urresti
  • Interpreteak: Jon Ander Urresti eta Beñat Urrutia
  • Soinu diseinua: Asier Renteria.
  • Musikariak: Amorante, Atton Goikoetxea, Unai Renteria eta Areta Senosiain.
  • Jantziteria: Igone Teso
  • Argiztapen diseinua: David Bernués (Acronica)
  • Teknikaria: Mikel Unamunzaga
  • Irudia: Arriguri
  • kamisetak: Aitane Goñi

Egilea

Jon Ander Urresti (1992, Bermeo) Dantzerti Arte Eszenikoen Goi Mailako Eskolan graduatua da eta hainbat antzerki-taldetan ibili da aktore lanetan. Tribiz, baserri galdue gradu amaierako lana antzezlan bihurtu zuen, eta bertan bere familiaren baserri eroriaren inguruko kontakizunak bildu zituen. Horman Poster kolektiboko kide da eta Antigone edo ezetzaren beharra antzezlanarekin 2022ko Donostia Saria irabazi zuten.