Concha Piquerrek aspalditik ezagutu nahi du Federico García Lorca. Izan ere, egungo poetarik eskatuenetakoa da Lorca, eta Piquer Espainiako abeslaririk ospetsuena. Topaketa horrek gertatu egin behar du. Bere patua gidatzera eta inoiz ezezkorik ez jasotzera ohituta dagoen emakumeak poetarekin hitzordua lotzeko eskatuko dio Rafael de León laguntzaileari; Madrilgo Teatro Españolean izango da hitzordua, Concha ikuskizun berria entseatzen ari den lekuan. Berarentzat abesti bat idazteko proposatu nahi dio kantariak poetari.
Balizko errealitate batetik hain urrun ez dagoen fikziozko historia horretatik, inoiz gertatu ez zen baina, zalantzarik gabe, ahaztezina izango zen topaketa horretatik abiatuta, XX. mendearen hasierako Espainiako eszenako bi pertsonaia handi horiek omentzen ditu ikuskizunak: Concha Piquer eta Federico García Lorca. Eta agertoki gainean, antzerki-ikuskizun batean lehenengoz arituko den Diana Navarro abeslari bikaina, bere ahots miresgarria erabiliko duena kantuen bidez Concha Piquer handia gogora ekartzeko, betiere Alejandro Vera (Federico García Lorca) eta Avelino Piedad (Rafael de León) alboan dituela.
