Maialen Diaz Urrizaren “Herri hura” antzezlanaren irakurketa dramatizatua, Lore More antzerki taldearen eskutik.
“Herri hura” antzezlanak Kutxa Donostia Hiria Sarien 2020ko Euskarazko Antzerki Saria jaso zuen. Lehenengo aldiz, obra irabazle baten irakurketa dramatizatua egingo da. Ramon Agirre euskal aktore ezaguna emanaldian izango da!
Talde artistikoa:
Sinopsia:
Deserria egon daiteke jaiotetxetik itsasoaz bestalde, edota sorterriko belardiak atzean utzi eta ehun kilmetrora, paisaia idor baten zabaleran. Sustraiak galdu dituenarentzat, etxerako bidea beti suertatzen da luze. Erbesteratua berdin bizi da herri minez, arroztasun berak jazartzen du.
Bernardok eta Abeliñek, istorio honetako protagonistek, irudimenean baino gertatzen ez den elkartze bat antzeztuko dute. Bernardok azento amerikanoz hitz egoingo dio euskaraz Abeliñeri; Abeliñeren euskarari gaztelaniaren doinua dario tarteaka; hizkuntza arrotzetan bizi izan dira luzaroan. Maitasun ezinezko baten istorioaz haratago, gizarte arauek maitasun batzuk ezinezko bihurtzen dituztela kontatzen zaigu bertan.
Euskalkien nahiz erdararen laguntzaz eta apaindurarik gabe, justuko hitzak erabiliz iristen zaio irakurlee¡ari, bihotzean zuzen-zuen joz. Irakurketaren intimitatea plazara zabalduz, bost antzezleen ahotsek gorpuztuko dute Herri Hura irakurketa dramatizatu honetan.
