• Lau urtez Lekeition burutu izan den euskal kulturaren emanaldien zikloa, aurten Sormenaldia bilakatu da eta Markina-Xemein batu da ekimenera

• Bi herri, bi aste, olatu bera: Lekeition ekainaren 24tik 26ra eta Markina-Xemeinen uztailaren 1etik 3ra, musika, literatura, bertsolaritza, zinema eta performanceak uztartuz, programazio anitza eskainiko da

• Markina-Xemein gehitzen da: hiru eguneko programazio propioarekin, Ipar haizea/Zuberoa ardatz, Mixel Etxekopar eta Maddi Oihenart bezalako proposamenekin

• Loraldia Plaza lerroaren apustua: sorkuntza garaikidea arnasguneetan errotu, transmisioa eta komunitatea indartu, eta "olatu berri bat" kultur eremuan utzi

Sormenaldia 2026 Loraldia Plazaren baitan kokatzen den proposamena da, eta aurten jauzi kualitatiboa emango du: Lekeition errotutako ibilbideari Markina-Xemein gehituta, bi herrietan sei eguneko kultur-programazio trinkoa eskainiko da.

Ekainaren 24tik 26ra bitartean burutuko da Lekeition; eta uztailaren 1etik 3ra Markina-Xemeinera egingo du jauzia.

Sormenaldia: Loraldia Plazaren arnasgunea, "olatu berri bat"

Duela lau urte Loraldiak antolatutako Lekeitioko Sormen Astea errotu zen, eta ordutik "alez ale, hostoz hosto" ari da sorkuntza sustatzen kostaldeko herrian; arnasgune bat da itsaso ondoko plaza horretan.

2026ko edizioak ideia hori indartzen du: euskal kulturaren eragile askok "olatu berri bat" eskatzen duten garaian, Loraldiak kultur eremuan lorratza utzi nahi du.

Jarraitu irakurtzen