• Cadena SER Euskadik, GJH Sarien hirugarren edizioan, DANTZERTIk, Euskadiko Arte Dramatiko eta Dantzako Goi Mailako Eskolak, HABEren eta Eusko Jaurlaritzako Kultura eta Hizkuntza Politika Sailaren laguntzarekin abian jarritako ekimena saritu du

• Saritutako proiektua aldez aurretik euskara ez dakiten pertsonei zuzenduta dago, eta helburu nagusia da haien erabilera arte eszenikoetan sustatzea

Cadena SER Euskadik eta BBK-k GJH Sarien hirugarren edizioa ospatu dute. Ekimen hau erreferente bihurtu da Euskadin, gizartean eragin positiboa duten pertsonen lana agerian jartzen baita bertan. Hirugarren edizio honetan, sariek Garapen Jasangarriaren Helburuei (GJH) lotutako sei kategoria biltzen dituzte: Pertsonak, Planeta, Oparotasuna, Bakea, Itunak eta, berrikuntza gisa, Hizkuntza eta Kultura Aniztasunari eskainitako kategoria berri bat, 18. GJHrekin lerrokatua, Euskaditik sustatutako helburua.

Hain zuzen ere, kategoria horretan saritu dute Dantzerti, Euskal Herriko Arte Dramatiko eta Dantzako Goi Mailako Eskola, etorkizuneko aktoreak euskalduntzeko proiektuagatik. Euskaraz ez dakitenei zuzenduta dago egitasmoa eta arte eszenikoetan euskararen erabilera sustatzea du helburu. "Kultura- eta hizkuntza-aberastasuna eraldaketarako tresna gisa defendatzen duen proiektua" dela adierazi dute sariketaren antolatzaileek.

Jarraitu irakurtzen