SAREAk 2019-2021 estatistika-txostena argitaratu du. Dokumentuak SAREAko antzokiek pandemiaren garaian izan duten bilakaera jasotzen du eta eskuragarri dago jada SAREAren webgunean.
Bertan, SAREAko antzokiek 2019., 2020. eta 2021. urteetan egindako jarduerak aztertzen dira. Aztertzen diren aldagaiak kontratazio-gastua, diru-bilketa, emanaldi-kopurua eta ikusle kopurua dira, eta hainbat ikuspuntutatik neurtzen dira: antzerkiaren formatua, udalerriaren tamaina, generoa, hizkuntza, konpainiaren jatorria edo ikusle mota, Euskadiko arte eszenikoen egoeraren panoramika bat eskainiz.
