SAREA-ren partaide diren antzoki eta aretoen jardunaren jarraipena egin asmoz, aipatutako erakundeak Txosten Estatistikoa izena duen dokumentua lantzen du urtero. 2019koa prestatzen den heinean, 2018koa kontsultatu ahal da dagoeneko.
Bertan, SAREAren antzokiek urtean zehar burututako jarduerak aztertzen dira. Aztergai dauden aldagaiak hurrengoak dira: Kontratazio gastuak, Diru-bilketa, Emanaldi kopurua eta Ikusle kopurua.
Aipatutako aldagaiak hainbat ikuspuntutatik neurtzen dira, esaterako, antzokiaren formatua, udalerriaren tamaina, generoa, hizkuntza, konpainiaren jatorria edota ikusle mota.
Modu horretan, azken urteetako bilakaera nolakoa den ezagutu eta urtez-urteko argazki erreala izatea ahalbidetzen du aipaturiko Txosten Estatistikoak.
