"Jokoz kanpo"

Edukia hau partekatu
  • "Jokoz kanpo"
  • "Jokoz kanpo"
  • "Jokoz kanpo"

"Futbola handia da, miresgarria. Futbolari esker ikasten dugu talde lana zeinen garrantzitsua den, ausardia eta umildadearen arteko orekaz, galtzen nola ikasi...". Ikaragarria zer pasio pizten dituen, eta aldi berean zer frustazio sortzen duen. Futbolak milaka pertsona aldi berean hunki edo hondora daitezen lortzen du. Itxuraz normala, orekatua eta lasaia den pertsona segundo batzuetan basati bihurtzea ahalbidetzen du. Manuk eta Martinek aspalditik ezagutzen dute elkar. Manuk eta Martinek finala dute begien bistan. Eta finala irabazi egin nahi dute. Garaipena dute nor direla frogatzeko modu bakarra, bizitzan jokoz kanpo ez daudela erakusteko aukera bakarra.

FITXA TEKNIKOA:

  • Egileak: Mikel Pagadizabal, Nagore Aranburu, Anartz Zuazua
  • Aktoreak: Joseba Apaolaza, Asier Hormaza, Asier Sota
  • Musika: Ignacio Pérez Marin
  • Jantziak: Nagore Dendariarena
  • Eszenografia: Josean Pérez, Iñaki Iriondo
  • Argien diseinua: Carlos Salaberri
  • Zuzendaritza: Anartz Zuazua
  • Konpainia: Borobil Teatroa
  • Ikusle mota: Heldua
  • Iraupena: 70 minutu
  • Hizkuntza: Bi bertsio (euskara eta gaztelania)
  • https://www.borobilteatroa.com/hasiera/produkzioak/jokoz-kanpo-1/

ren iruzkina

Badirudi azken bolada honetan kirola eta arte eszenikoak ondo doazela elkarrekin. “Jokoz kanpo”, antzerki hutsatik abiatuta, futbola hartzen du aitzakiatzat gaurko gai batzuei buruz hausnartzeko: lehiakortasuna, umeak kiroletan neurrigabe xaxatzea, norberaren porrotak ezkutatzeko nahia...

Ikusten denez, gai potoloak plazaratzen ditu Borobil teatroak, baina sormen kolektiboaren eraginez eta Anartz Zuazuaren zuzendaritzapean, era aberasgarrian eta umore finez tratatzen dira, berez komedia zena gogoetarako abagune bihurtuta. Planteamendu horretan rol nagusia jokatu du Joseba Apaolazaren, Asier Hormazaren eta Asier Sotaren clown/antzezle senak, batez ere pertsonaien aldaketa azkarretan eta bat-bateko barne-karakterizazioetan.

Bestetik, ezinbestekoak izan dira, antzezleen ibilbide ia koreografikoak, eszenografia elastiko sormentsua eta musikak soinu-efektuekin sortutako giroa.



Euskadi, auzolana